Home

Nos ta invitá bo kordialmente pa bishitá nos website i lesa tokante nos skol Chi ku Cha.

Dea Consult i PrincenHuis ta traha huntu den Chi ku Cha.

E skol a nase for di e inspirashon di Philie i Jan van Veen ora nan a bai traha huntu na Kòrsou. Philie i Jan ta ruman kriá na Aruba, Kòrsou i Hulanda.

Philie ta biba na Kòrsou i tin su mes kompania Dea Consult. Philie ta un konsehero den organisashon i maneho riba tereno di edukashon, enseñansa, instrukshon i formashon.

Jan ta biba na Hulanda unda, huntu ku Peter van Soest, e tin e kompania PrincenHuis. Jan ta terapeuta i e tin hopi eksperensha den coach i guia hende, espesialmente esnan ku problemanan siko-emoshonal.

For di 2005 nos ta duna tayer, treinen i seshon di coach pa diferente organisashon na Kòrsou. Nos ta hasi nos trabou bou di e lema "traha ku kurpa i alma". Nos ta mek riba mehorashon i enrikesimentu di e 'interior' di e organisashon, desaroyo personal i profeshonal, liderazgo interno, e alma di e organisashon.

Nos eksperiensha, nos soñonan, nos pensamentunan, nos kòmbersashonnan i nos trabou nos a trese huntu den Chi ku Cha. Den nos vishon i nos mishon nos ta splika e nifikashon di Chi ku Cha i nos ta indiká kiko ta e esensia di nos trabou den Chi ku Cha. For di nos vishon tokante siñansa i des-aroyo (desaroyo), nos a krea ku masha plaser un konsepto ku nos ta yama siñansa-en-prinsipio®. E konsepto aki ta e base di nos manera di traha i loke nos ta ofresé.

Nos ta gradesí pa nos inspirashon i kreashon. Nos ta leu di ta kla i nos mester di bo pa alimentá, engrandesé i implementá siñansa-en-prinsipio den diferente área di trabou.

Bo ta bin traha ku nos na bo propio desaroyo i esun di bo organisashon?